Rinum hun tawite ei nei chu
A kiem deu deu nitin in;
Ni nuhnung var a hung tuoi a,
A tawp ding chau chu ei nghak;
Hnuoi zan thimna a bo pha leh,
Ni ropui hung var a tih;
Van arasi an hung tuoi a,
An var mawi a chul zo tah.

Bu attu;n buphal nuhnung tak,
A lakkhawm chau chu nghakin;
Rinumna hun a bo a hnai tah,
Vanram a hung hnai tah ie;
Inrang takin! Inrang takin!
Buattu, hung lakhawm ro;
Hringna parte a hung tuoi tah,
Keiin maksan tang ka tih.

Angelhaiin lunghlu kawtkhar,
An hung hun chau chu nghakin;
Riengvai, chau le khawsawt takin,
Khawtkhar bulah ka nghak zing.
An rawlri chu ram hlatakah,
Tu chen hin ka hang hriet a;
An mi kona le an ri chau,
Chu nghakin ka thlir zing.

Umna var mawi ei hmu ngai naw,
Ei lengna ding chu nghakin;
Chu chun hringna thing a vul a,
Chatuonin tuoi ta naw ni.
Ei intlanna ei Sandamtu'n,
A siem famkim hun nghakin;
Nat le lungngai intumtirtu,
Suolna chu um ta naw ni.