Hnuoia hin mikhuol ka nih,
Van khi ka in a nih;
Hnuoi hi thlaler ram a nih,
Van khi ka in a nih,
Buoinahai le lungngainahai hin,
Nitinin an mi tuom vel;
Van khi ka Pa in a nih,
Van khi ka in a nih.

Thlemna nasa sien lakhawm,
Van khi ka in a nih;
Hnuoiah inzin chau ka nih,
van khi ka in a nih.
Ka damsung ni a hung kiem pei a,
Sawt nawte kar lova chun;
La hang tlung ve ngei ka tih,
Van khi ka in a nih.

Ka Sandamtu kuoma chun,
Van khi ka in a nih;
Chawimawiin la um ka tih,
Van khi ka in a nih.
A chun mifelhai chau um an ta,
Ei mi dittakhai le khan;
La hang chawl ve ngei ka tih,
Van khi ka in a nih.


Chuleichun, ka lungngai nawh,
Van khi ka in a nih;
Hnuoia hin rimsi lang khawm,
Van khi ka in a nih.
Matheilovin la tlung ngei ka tih,
Lalpa changtienga thungin;
Van ka Pa umna ram khi,
Van khi ka in a nih.