Tuhai am an na hienghai hi,
Tingtang le hla remhai hi?
Ngai ta! zangaina hla an sak,
Jehova hmangaina chu.

Beramte thisen thienghlim a,
An puon sawp faituhai chu an nih;
Beramte thisen thienghlim a,
An puon sawp faituhai chu an nih.

Tuhai am an na hienghai hi,
Lalthungpha velahai hi?
An khawvel rinum maksan a,
Chawlna ram pan chu an nih.

An puonvar silhai chu en rawh,
Suolna him an leng nawh a;
An Lallukhum var hai le chun,
Beramte'n an tlan a nih.

An thuoitu, Pathien Beramte,
Sun le zanin an chawimawi;
Van hringna tuiin a chawm a,
An mitthli a hruk fai tah.

"Sandamna, sandamna," tiin,
Krista, Mithienghlim kuomah;
Rinum tuora inrumna chu,
Lawmna hla'n an chang zo tah.