Ei lawng hi ei ram tieng khal ei tiu,
Beiseina lawng puon zar pei in;
Ei ruol fetahai kha hre zingin,
Ei lawng ei thlung ve pha chawl ei tih.

Mitthli tlak a hul pha inkhawm ei tih,
Ei inrimna ei zo pha chawl ei tih,
Tlansaha'n lawmhla saka an khek chu ngai ro,
Engthawlhai umnaah inkhawm ei tih.

Ei lawng hi ei ram tieng khal ei tiu,
Ti lo tawpin khal pei ei tiu,
Chawlna inhawi chu ei tlung phaleh,
Lawng chawlna eng lawmum hmung ei tih.

Ram mawia tlanghai chu an mawi ngei,
Thal khaw par mawiin a bawm ie;
A chun ei Tlantu le Hmangaitu,
Inpakin lawm hla chu sak ei tih.

Ram mawi anthawkin thlifim a hrang,
Vapanga khawvar chu a mawi;
Ei hmangaihai leh intuok ei ta,
Lungngai, nat le thi um ta naw ni.