Ram mawi ei hmu ding chu a um,
Chu ram chun lungril a suklawm;
A var mawina chu a ropui,
A var mawihai chu an zam vel.

Hmangaina ram, eng le lawmna,
I var mawi chun za a suk bo;
I muongna hmun la tlung kan tih,
Khuo a var a zan a bo pha.

Chu ram hlimum tak chunga chun,
Inthimna le rinum a bo;
Chu hmuna intuok khawmhai chun,
Inthena tuok ta naw ni hai.

Hnuoi rinum hmun ang hi an nawh,
Chi tinrenga var mawi a nih;
A entu ding ni a ngai nawh,
Zan lungngaium khawm a um nawh.

Lungngai thlipui a hrang ta nawh,
Muong le hlimna hmun chunga chun;
Chauhai chun chawlna an hmu tah,
Pathien paradis-ah a nih.