Jordan vadung pangah ka ngir,
Nghakhla takin ka thlir;
Kanan ram inhawi tieng ka thlir,
Ka chatuon hmun ding chu.

Chawl ei tih, hlimna ram le mawia chun,
Varal kheltieng ram mawitaka chun;
Beramte inpakin hla mawi chu sak ei tih,
Isu kuoma cheng zing dingin.

Chu ram mawi le lien taka chun,
Chatuon eng chu a um;
Ei Lalpa Isu'n ro a rel,
Thimna a um ta nawh.

Iengtik am hang tlung veng ka ta,
Ram inhawi le mawi chu?
Pathien hmel ditum le lawmum,
Iengtik am hmung ka ta?

Ka lungril lawmin a hung sip,
Hnuoiah um sawt naw ning;
Jordan tuipui fawn vel sienkhawm,
Himtakin kai ka tih.