Lal in kawtkhar bulah kutdawa thungin,
Thi hmabaka rinum chu tuor in;
Khawvel hausaknahai chu a chang phaknawh,
Ngai ta, a van in chun a lo nghak.

Angelhai chun chawlna ramah an thuoi tah,
Van hla rimawi tawp nawna hmunah;
Sandamtu'n ruoi ropui awt di'n a lo ko,
Hmangaihai leh chawlna rama chun.

Khawvel nun nuomna tawp iem ning a ti aw?
Mani inngaituo seng ei tiu aw;
Sumpui rinumtak rikphurna rama hin,
Lungngai mitthli hul nawna ram hi.

Isu zuitu, khawvelah rethei lakhawm,
Chatuon hausakna'n a lo nghak che;
Rinum tuor hram hram rawh, a bo ding an tah,
Chatuon ram mawi chu a hung hnai tah.

Hma tieng pan peiin Lalpa chu hung pan la,
I hunhai le I sumhai pe la;
I sinthaw tlawm sienkhawm i lawmman a tam,
Kraws chu lawmna lallukhum an chang.