Tlanghai mawizie tarlang dinga,
Sumpui zing chu an kieng pha;
Nisa eng lawmum tak el chun,
Vadung intim a el var;
Pa thutiem a min hmusuok tir,
Sumrisang inzam velin;
Inhre chieng zuol lem tang ei tih,
Buoina sum zing an kieng pha.

Hrieng ei tih, hriet ei ni ang,
Makhata invai lovin;
Chu hlimna ni eng le var mawi,
Zingkar khawfingchak pha chun;
Inhre chieng zuol lem tang ei tih;
Buoina sum zing an kieng pha.

Lunginrimtak le sawltakin,
Ei hmaa lampui ei hraw;
Inthim hnuoiah sin ei thaw hlak,
Ei lohai an hla nghal si;
Sienkhawm Sandamtun a mi ko,
Ei inrimna thung a tih;
Zing khawvara ei inkhawm pha,
Buoina sum inkiengnaah.

Hlim le lawmin inkhawm ei ta,
Lalthungpha chu ngirhuolin;
Hmangaihai leh inhmatuokin,
Inhre chieng zuol tang ei tih;
A min Tlantu inpakna hla,
Chatuonin thangkhawk a tih;
In thimnahai a bo pha leh,
Buoina sum zing an kieng pha.