Chung khuo runrem mawitak a um,
Hringna tui luong del delna hmunah;
Mi thienghlimhai lengna ram mawiah,
Puon ropui silin an leng a.

chungtieng khin,(x2)
Ram inhawi a um ngaituo ro;
Chungtieng khin, (x3)
Ram inhawi a um ngaituo ro.

Ei ruol dithai tuol an lengna,
Ei hmaa lo fe hmasahai chun;
Lalpa inpakin hlamawi an rem,
An in Pathien runrem mawiah.

Chungtieng khin, (x2)
Ei ruoldithai tuol an lengna,
Chungtieng khin, (x3)
Ram inhawi a um ngaituo ro.

Ka Sandamtu dittak a um,
Ei ngai lungzurhai leh tuol an leng;
Kei khawm kan vaina hnuoi rinum hi,
Pelin ram inhawi min tlun rawh.

Chungtieng khin, (x2)
Ka Sandamtu dittak a um;
Chungtieng khin, (x3)
Ka Sandamtu dittak a um.

Tlung kar ka nghakhla ram inhawi,
Damlai khawvel ni la bo a ta;
Kan nghil nawh ruoldithai lengna ram,
An mi nghakna hmun tlung ka tih.

Chungtieng khin, (x2)
Tlungkar ka nghakhla ram inhawi;
Chungtieng khin, (x3)
Tlungkar ka nghakhla ram inhawi.