Lal kuoma um zing hi,
Ni raw se! ka ti hlak,
Thinaa inthawk ka tho pha,
Thi thei nawk ta naw ning;
Hi taksa hmuna hin,
Lalpa vakvaisanin,
Nitin Lalpa kuom tieng panin,
Ka hnai, ka hnai zing hlak.

Ka hnai deu, ka hnai deu,
Ni tin ka hnai deu deu.

Ka thlarau chawlna ding,
Ka Pa in insangah,
I kawtkhar mawi hung inlang chu,
Rina mitin ka hmuh;
Ka thlarau chau tak chu,
Rammawia tlung ve di'n,
Mi thienghlimhai zalenna chu,
Chung tieng Jerusalem.

Sumpui a hung zing a,
Ka vangneina a liem;
Van sumpui le tuipui karah,
Vathu angin kan vai;
Sumpui zing an kienga,
Thli le ruopui a bo;
Rinum tinreng ka tuokhai chu,
Lawmnan a hung inchang.

Suna le zana khawm,
Van tieng hla chu ka hriet;
Tawng dang ta lo, lungruol dielin,
Vanah hla an rem a;
Thonawkna ding thu chu,
Hnena zawmna a nih,
Kumkhuo'n Lal kuoma um zingin,
Amen ti'n khek ei tiu!