Thlipui hrangin thirchakai thlak i ti'm?
Sumpui zing hnuoia le ruopui sur hnuoiah;
Tuipui fawn insangin a huolvel chen,
I thirchakai thlak chu nghet ngei a ti'm?

Thirchakai ei nei, mi thlung nghettu,
Thlipui le tuifawn insang lai khawm;
Lungpui nghettaka chun inthlungin,
Sandamtu hmangainaah nghettakin.

Titum hmunah thirchakai thlak i ti'm?
Lawng sukse theitu lungpui titum lai hin,
Thlipui hran gle tuipui insawk lai hin,
Tuifawn tiumin i lawng chim a ti'm?

Thina tuiah thirchakai thlak i tim?
Chu tuipui lien chun a hung chim phak pha che;
Tui infawn sienkhawm pil thei naw ti ni,
Thirchakai nghettakaa i thlung phawt chun.

Lawngchawlna inhawi le khawpui mawi chu,
Chu zing eng mawitaka chun hang hmung i tim?
I damlai thlipui hi a bo pha chun,
Chatuon khawpui mawiah leng tang i ti'm?