Pathien zangaina maktak chu,
Ka ta di'n an lang tah;
Kei tlaklo a mi hung intlan,
A san ka hriet phak nawh.

Nisienkhawm ka i ring chu ka hriet,
A kuoma ka inkawltir chu himin;
Chu nia ding chun a vawng thei,
Chieng takin ka hriet a nih.

Sandamna dinga ringna le,
A thu ringa muongna;
Ka lungrila a mi pek dan,
Ka hriet suok zo thei nawh.

Thlarauvin suol an hriettir le,
Isu a puonglang dan;
Ringna a mi siem pek danhai,
Ka hrietsuok zo thei nawh.

Ka hmabak thil a sie le tha,
Lam rinum le hun tha;
Ieng am a mi lo ruot pek a?
Ka hriet suok zo thei nawh.

Ka Lalpa a hungna ding hun,
Le hmun ding ka hriet nawh;
Thina hlim ruom ka pel pha leh,
Boruokah tuok ka tih.