Van in pana khuolzin hai, Chauvin lungngai inla khawm;
Thatakin fe pei ei tih, zing khawvarah,
Tuifawnhai bo tang an ta, Ei lawnghai thlung tang ei tih,
A chun intuok khawm ei ta, Zing khawvarah.

Intuok khawm vawng ei tih, Zing khawvarah,
Tlanghai par mawi a vulna hmuna chun;
Inthena um ta naw ni, Nisa var zingnaa chun,
Malsawmna var inpakin, Zing khawvarah.

Inthe lungzingna leiin, Ei mithai inthim seinkhawm;
Feltakin meng tang ei ta, zing khawvarah,
Hnena tumkau ei chawi a, Chullo puon ei sil pha leh,
In hre tuo vawng tang ei tih, Zing khawvarah.

Ei thlarau zalen a ta, Tuipui ral hlatak khelah,
Sandamtu rawl hrieng ei ta, Zing khawvarah;
Rangkachak buphal chawiin, Ei Lal Krista ke bulah,
Inpakna hla rem ei tih, Zing khawvarah.

Vanin pana khuolzinhai, Thimin mi bawm hlak sienkhawm,
Inveng zingin nghak ei tiu, Zing khawvar chen;
Damsunga ei hmangaina, Lawmmanhai hmu tang ei ta,
Inpak ei tih Lal Isu, Zing khawvarah.