Bohmanghai Sandam ro, thi ding enkawl ro,
Suolna le thlana inthawk thuoisuok ro;
Misuolhai tap khumin, Tluhai keitho ro,
Sandamtu Isu chanchin chu hril ro.

Bohmanghai sandam ro,
Thi ding enkawl ro;
Zaidawthei Isu chun sandam a tih.

Ama hmusittu hai, Aman a nghak ie,
Suol insira sim nuomhai lo lawm din;
Thahnemngai, nunemin, anni in fui ro,
A ringtu chu a ngaidam nuom a nih.

Thlemtu chun mihriem lungril chu a suksiet,
Hmangainain suktha nawk thei a tih;
Hmangai taka hrilin, ngilneiin thuoi la,
A suolhai simin hung tha nawk a tih.

Bohmanghai sandam ro, thaw ding tul a nih,
I rawngbawlna Lalpa'n thangpui a che;
Krista tieng thuoi kir di'n tuorselin thlem la,
Sandamtu thi chu vakvahai hril rawh.