Thawpei ei tiu khai, ei Lalpa'n a mi thuoi,
Mei le tuilienin mi dang zo naw ni a;
Roreltu'n Lalthungphaa an thungpui kha,
Ropuina le Lallukhum chu hlawng ei tih.

Ei ralhai chu do ei tiu, (x3)
La hne ngei ngei ei tih.

Ei kros put le buoina tuorin dei fe a,
Chuong chu ei Lal Isu'n a mi tuor pek tah;
Ngilnei tak le zaidamin a tuor a nih,
Ei rinum hi a mi tuor peksa a nih.

Ei velin buoinain mi do sienlakhawm,
Ti lo tawpin dettakin ngir tlat ei ta;
Ei lungril ieng ang khawmin sukbuoi raw se,
Ei Lalpa'n chuong chu a mi hne pek zo tah.

Chun tuhin ei kros zangtakin put ei tiu,
Rinum a bo tah ama inpak ei tiu,
Ei thlamuong hle a ei eng khawm an thawl hle,
Isu Kalvari tlang chenin zui ei tiu.