Har ro! har ro! Lalpan tuhin a mi kovie,
Tho ro! tho ro! a thutiem chu ringin;
Fe suok un la, Jubili kum chu puongdar in,
Krista, ei Lalpa engthawlna thu chu hmang ro.

Hmatieng pan pei ei tiu,
Sikhawvar ei chungah varin a fe pei,
Hmatieng pan pei ei tiu,
Ei Sandamtu ropuiin hma a thuoi;
Ropui raw se! ropui raw se! chatuonin,
Ei hmatieng pan peiin "Hosanna" tiin!
Sipai ringumtak hai chun,
Krista chau chu ei ring ding,
Hmatieng pan peiin "Halleluiah" tiin!

Ram thim a mi boralhaiin var chu ngaiin,
An khek tuisuoriet rala inthawkin;
Aw, inhmaw la, thutak thuhai puongdar dingin,
Mi rimsi le phingtamhai chu theinghil lovin.

Pathien nauhai, in ngilneina kut chu hmangin,
Ramthima mi inhmanghai sandam ro;
Anni sansuok dingin hmangai kut phar suokin,
Anni chu Sandamtu huongah hung thuoi lut ro.

Dak la, en rawh! Lalpa ni tiem chu a hung hnai,
Mi tinreng Lalpa hmaah kun an ta;
Thlamuongna le hlimna hmun tinah um a ta,
Chun hnuoi chungah Hallelui ropui rem an tih!