Sin thaw ro! Sin thaw ro! Rawngbawltuhai ei nih,
Krista lam siemsa chu hraw dingin ke pen ro;
A thupek angin ei hratna chu thar peiin,
Ei kutin thaw ding a hriet ang chu thawng ei tiu.

Thaw zing ro, thaw zing ro,
Thaw zing ro, thaw zing ro,
Beiseiin nghak zing ro,
Krista hung hmakhat thaw zing ro.

Sin thaw ro! thaw tan ro! phingtam chu sawmdawlin,
Hringna tuikhur tieng chun chaihai chu thuoi peiin;
Kros puonzara chun ei ropuina um a tih,
Sandamna thlawnpek thu ei tlangsampui laiin.

Sin thaw ro! thaw tan ro! mi tin thaw ding a um,
Thimna le suolna lalram chu tlu ngei a ta;
Jehova hming chu chawimawiin um ngei a tih,
Sandamna a thlawna pek chu khek vel pui ro.

Sin thaw ro! thaw tan ro! Lalpa hratna ringin,
Silfen mawi, lallukhum, ei lawmna ning a tih;
Miringumhai hmuna ei hang cheng ve pha chun,
Sandamna thlawnpek tlanhai leh khukpui ei tih.