Ngir ro! Isu ta dingin!
Nangni kros sipaihai;
Lal puonzar chu khai sang ro,
Hnea um lo dingin;
Hnena anthawk hnena chen,
A sipai thuoi a tih,
Hmelma tin hnea um chen,
Krista chu Lal a nih.

Ngir ro! Isu ta dingin!
Tawtawrawt ri ngai ro;
Indona tieng suok unla,
A ni ropuia hin;
Hmelma tiem sengnaw dovin,
Tuhin a rawngbawl ro;
Tium sienkhawm huoi tak le,
Hrat nawkzuolin do ro.

Ngir ro! Isu ta dingin!
A hratna chau hmangin;
Taksa ralthuom tlawm a tih,
In hratna ring naw ro;
Gospel ralthuom inbel ro,
Tawngtaia invengin;
Inthaw ding tium sienkhawm,
Tlanhmangsan ngai naw ro.

Ngir ro! Isu ta dingin!
Buoina sawt ta naw ni;
Vawisun indo ri ropui,
A zova hnena hla;
A hnetuhai ta dingin,
Hringna lallukhum chu;
Ropuina Lalpa rawiin,
Chatuon ro rel an tih.