Thlemnaah lut naw la, Lut chu suol a nih'
I hne chun thlemna dang hne thei pei i tih;
Huoitakin do pei la, thim thilthaw hnein,
Isu chu en zing la, Ama'n thuoi a che.

Thangpui di'n Tlantu ngen la,
Thlamuong le sukhrat ding che'n,
Ama'n a thangpui nuom che,
Ama'n thuoipei a che.

Ruol suol chu tlan san la, Tawngsie bansanin,
Pathien hmingin za la, hril nawmna lovin;
Ngilnei thahnem ngai le lungril dik takin,
Isu chu en zing la, Ama'n thuoi a che.

A hnetu taphawt chu, Lallukhum a pek,
Ringnain hnengei tih, lo tlu inla khawm;
Ei Sandamtu'n hratna thar mi peng a tih,
Isu chu en zing la, Ama'n thuoi a che.