Damlai tuipuiah ka thlarau an vai a,
Suol le lungngaina phur pumin;
"Mi pan rawh" tia kona rawl nem hrein,
Lawng chawlna hmun chu ka tlung tah.

Lawng chawlnaah ka thlarau a chawl tah a,
Tuipui lien hraw ta naw ning;
Thlipui nasatakin hung hrang vel sienkhawm,
Isuah ka him zing a nih.

A angsung inhawia chun kei kan hlan tah,
Ringna thu mawitak chu chelin;
Ka kawlbunhai tlain ka thlarau a chawl,
Lawng chawlna chu Lalpa a nih.

Lalpa mi sukdam china ka hla dittak,
Tiena tlanga chanchin a nih;
Isu mi tin ta di'n Sandamtu a nih,
Lawng chawlnaa chawlhai ta di'n.

Sandamtu kuomah hung rawh, a nghak zing che,
A theinaa sandam ding che'n;
Hung la, i thlarau thirchakai chu thlung la,
"Ka dittak ka nei tah," tiin.