Lalpa, i thu hi a hlu lem,
Khawvela sum po nekin;
Lalpa, i thu hi a mawi lem,
Khawvel ropuina nekin,
Khuoizu nekin a thlum,
Ka lungril a suklawm hlak.

Thlaler ram tawl fe thleng dingin,
I thu hin mi thuoi pei la;
A hi sum ngir var chu a nih,
Israel nauha'n an zui kha,
Eini mi thuoi dingin,
A var a la chuoi chuong nawh.

Khawvel tuisouriet liena hin,
Tituma kan leng lai hin;
Hmar Ar'si angin i thu hin,
Kan van lam mi kawkhmu sien;
Chun, zui pei tang kan tih,
Chatuona inhmang lovin.

Thlemna tuifawn, thlemna ral lien,
Khawvel leh mi do sienkhawm;
Lalpa, mi thuom la i thuin,
Thlarau ngunhnam a ni si;
Heng kan tih Setan chu,
Nangma hratna hmasuonin.