I ta ka nih, Lalpa, i rawl ka hriet,
I hmangaina a mi hril;
Niseinkhawm, ringna kuta chel ka ngai,
I kuom tieng mi hip hnai rawh.

Mi hip hnai rawh, Lalpa, ka ngen che,
Krosa i thina hmunah,
Mi hip hnai rawh, Lalpa,
Tuhin ka ngen che,
I thisen hlu luonga chun.

I lungsietna thilthawtheina'n, Lalpa,
I sin thaw di'n mi siem la;
Ka beiseina'n chuungtieng thlir zing raw se,
Nangma a chau innghatin.

I zangaina thungpha hmaa kunin,
Lawmna ropui ka chang tah;
Lalpa, i hmaa ka dingthathuonin,
Ruol angin ei inbiek hlak.

Tuipui kan hmaa hrietsuok ruollo ding,
Hmangaina inthuk a um;
Thlamuonga ka chawl hmaa tawng lo ding,
Lawmna insangtak a um.