I hun chu sukthieng la, Lalpa pawl rawp rawh,
Amaa umin a thua inchawmin;
Pathien nauhai pawlin, chauhai thangpui la,
Ama malsawmna hlu iengkimah zawng rawh.

I hun chu sukthieng la, Khawvel a liem zing,
Fienriel hun tha tamtak Isu leh hmang rawh;
Isu chu en la, Ama ang ning i tih,
I umdanah i angzie hmu thei an tih.

I hun chu sukthieng la, i Thuoitu nisien,
Thil iengkhawm hung tlung sien, tlanhmangsan naw la;
Lungngai le lawm lai khawm i Lalpa zui la,
Isu chu en zingin a Thu ring tlat rawh.

I hun chu sukthieng la, i thlarau lawmin,
I ngaituohai Ama thu chu din pe rawh;
Chuongchun a hmangai tuikhurah thuoi a che,
Chungtieng rawngbawl dingin inthuom a ti che.