Aw Pathien, Thangpuitu pangngai,
Kan hmatieng beiseina;
Kan himna hmun thlipui hrang lai,
Kan chatuonin nangma.

I Lalthungpha inhliep hnuoiah,
I mi inthieng an cheng;
A huntawk ie i ban chau khawm,
Mi humhimtu dingin.

Tlanghai an hung inrel suok hman,
Hnuoi lan rel hmakhawmin,
Pathien i ni hrim chatuonin,
Dang chuong thei lo kum khuo'n.

Nangma tadi'n kum sang khawm hi,
Mit khap kar a tling nawh;
'Hi hnung, hi hma', keini'n kan tih,
Nangin 'tu'n' i ti zing.

Hun hin vadung luong zing angin,
Kan hringna a len hmang;
Kan zan mang khuo a hung vara,
A bo ang hi a nih.

Aw Pathien, thangpuitu pangngai,
Kan hmatieng beiseina;
Kan damdungin mi veng zing la,
Kan chatuon in i nih.