Lalpa ka Berampu a nih,
Tlasamin um naw ning;
A tharna danglam ngailo khan,
Ni tinin a mi veng.

Ama chun hlo hring dup hmunah,
A mi'n bawktir hlak a;
Chawlna tuipangah mi thuoiin,
Ka hringna a siem thar.

Thina hlim varuom hraw lang khawm,
Thil thanaw ti naw ning;
Nang ka kuomah i um sih a,
I hmawlin a mi thlamuon.

Ka hmelmahai mithmua chun,
Dawkan i buotsai a;
Ka lu hi hriek i nal tah a,
Ka novah a liem zing.

Thatna le ngilneinahaiin,
Damsung mi zui a ta;
Chuongchun, Lalpa in inhawiah,
Kumkhuo'n um zing ka tih.