Varuom in thim le zan thim buoina lai khan,
Suola inhmang hnung ka thla hung kir lawk la;
Chatuon var mawi tieng chu panin hung pei rawh,
"Theinghil naw ning che" ti'n,
Isu'n a mi hril.

"Theinghil naw ning cheng i dam sungin,
Kutin chel tlat ka che, ka thutiem ring hla naw;
Theinghil naw ning cheng i dam sungin,
I tlantu ka nih, veng zing ka che," a tih.

Ka lawmna Isu iengtinam hril ka ta?
A hmangaina innem inkhel ngai naw chu;
Midang kuoma puongin sandamna thu chu,
A thutiem chu pawm a chang ve ngei ding.

"Theinghil naw ning cheng" ti thutiem chu ringin,
Inpakna, lawmhla remin pen pei ka tih;
Ka khawvel ruolhaiin mi maksan sienkhawm,
Isu'n mi hnaiin mi suklawm zing a tih.

Rangkachak kawtkhar mawitakah ka ngir pha,
Lungngaina le buoinhai bo tang a tih,
"Suok ringumtak chawl dingin hung lut ta rawh,"
Ti thupuong ka hriet pha chun lawm tang ka tih.