Belshazar le a mipui sangkhathai ruoithenaah,
Thudik bu a ziek angin rangkachak noah zu an dawn;
Zana chun a lal inah Ruoi ropui an thelaiin,
Buoina rapthlaka manin banga kut chun a hung ziek a.

Chu chu Pathien kut a ni si!
(Chu chu Pathien kut, Pathien kut a nih!)
Chu chu Pathien kut a ni si!
(Chu chu Pathien kut, Pathien kut a nih!)
Banga Lalpa kutzieka chun,
"Buk zo," tiin am an ziek?
"Buk zo lo," tiin am an mi ziek?
("Buk zo lo," tiin am, in am an mi ziek?)

En rawh, huoisen, Daniel chu mipui hma chun ngirin,
Lal chapo chu a thilthaw suolnaa chun a zil tah a;
Kutziek chu a hang tiem a, "Boralna a nih," tiin,
"Lal ram chu a tawp tah ie," tiin banga kut chun a ziek.

En rawh ringum, thahnemngai, huoisen chun thudik a tan,
Thlarau thienghlimin a ipek thudik chu tana vawngin;
A umna Judai ram le sala an tangna hmunah,
Banga a Lalpa kut ziekhai chu tiemin a hrilfie tah.

Ei thilthawhai chu tuhin ziek lutin a um tah a,
Misuol, i suolna chu simin, Lal Isu tieng chu pan rawh;
Ni chu a hung kiem pei a, tawpna chu a hung hnai a,
Misuol thiemnawna po po chu banga ziekin um a tih.