Samari tuisunsuoa,
nuhmei dangchar kuoma chun,
Gospel malsawmna thucha a hung tlung a;
Mit var nei ngai lo ropuina
Var chun hung sun varin,
Chatuona dangchar nawna a lo hmu tah.

Vadung a um, Hringna Tuikhur,
Tiena inthawk damna,
Hnam chi tinreng damna di'n a luong zing;
Chu vadung dawn tuhai le,
Tiena inthawka luong a nih, ti hretuhai chun,
Hlimin hla an sak, (Hla an sak)

Sala intang nuhmeite'n,
Pharbo thei naw kuoma chun,
Tienlaia thu lawmum chu a lo hril a;
Hringna vadung chanchin chu
Hrein hringna a chang tah,
Chatuona di'n damna chu a lo hmu tah.

Nuhmei beidawng lungzing chun,
Chu vadung chu a hmuin,
A ta dinga damna a um ti hrein;
A puon hmawr a hang them a,
A mamaw chu a chang tah,
A suolnahai le chun ngaidam a ni tah.

Lekhabu tiema um chu,
Philipin a hrilfie a;
Mi bohmang chun sandamna a lo hmu tah;
A ring zie suklangna ding
Le sung tieng thlarau sinthaw;
Tarlangna di'n baptisma a lo chang tah.

Aw eini thlarau dangchar,
Le phingramhai ta dingin,
Chu vadung chu pan ei tiu a la luong zing;
Chu vadung dawn taphawt chun,
Chatuon hringna an chang tah,
Chu chu nang le keia ta ding khawm a nih.