Aw a mawi Chanchintha ropui, Mi tin ta dingin,
Zani, vawisun, chatuon chenin, Isu danglam lo;
Damnaw, kebai sukdamtu le, misuol hmangaitu;
Lungngai hnemtu, thli haldeitu, A hming inpak ro.


Zani, vawisun, Chatuon chenin Isu danglam lo;
Iengkim an danglam thei,
Sienkhawm Isu danglam lo;
A hming inpak ro! A hming inpak ro!
Iengkim an danglam thei,
Sienkhawm Isu danglam lo.

Misuolhai ruolpa chun nang khawm tuhin a ko che,
Mi suol, nang khawm hung la a ke bula bawkkhupin;
"Thiemnaw kan changtir naw che, fe la, suoksuol ta naw"
Tiin hi ngaidamna thu hi a la hril zing che.

Peter suksuol ngaidamtu chu nang khawm ti naw la,
Ringhlatu, Thoma angin i ringhla bo a tih;
Zirtir a hmangai, a angsunga a chawl angin,
Chawl ve din nang khawm hmangaiin a ko zing che hi.

Tui infawn tiumtak chunga kea lawn ngei khan,
Galili dila ang khan thlipui a sukre thei;
GEtsemania lungngaia tawngtaitu ngei khan,
Ei lungngaina nohai chu a mi dawnpui zing thei.

Emau lampuia fehai kuoma a um ang khan,
Ei hring nun lam intluonin a min tlawnpui zing thei;
Ama chu la hmu nawk ngei ei ta, Lalpa niah,
Fehmang sien khawm Isu chu la pangngai zing a tih.