Aw misuol, Sandamtun a ko zing che hi,
Sawt tak a thlawnin a nghak che;
Damlai lawmna lal lukhum hun le,
I lungngai lai khawm a ko che.

Sandamtun ngilnei taka a nghak lai che hin,
Va ral var tieng chu pan rawh;
Vawi zan hin i hringna chu thina khotlangah,
An tawl liem el thei a nih.

Aw misuol, a kona che ngaisak lovin,
A ropuina hmu nuom lovin;
I Sandamtu rawl nem chu i nghawk tah a,
Nghawk ve sien che iem chang i ta?

Aw misuol, Thalrau Thienghlimin a fiel che,
A fiel zawm pei ta naw chun;
Vanram thlira thimna hmuna cheng zingin,
Maksan sien che iem chang i ta?

Aw misuol, Pathienin nghak zing naw ni che,
I thlarau la zamsan a ta;
I lungril sukngara i nghatsan sung hin,
Thina khur thim pan ngei i tih.