Sandamna dar chu an ri,
Tuipui le ram tin chungah;
Sandamna thu lawmum tak chu,
Nangni le kei a ta ding;
"Khawvel a hmangai a,
A nau neisun a hung pek;
Tukhawm ama ring taphawt chu,
Chatuon hringna nei an tih."

Sandamna dar an vuok!
Tuipui le ram tin chungah;
Sandamna thu lawmum,
Nangni le keia ta ding.

Gospel darin a mi fiel,
A ruoi the chu kil dingin;
A fielna che chu ngai thla la,
Kona lawmum chu sel naw;
"Hringna bei chu ka nih,
Thlarau phingtam ta dingin;
I suol senduk ang ni sienkhawm,
Vur angin la var a tih."

Gospel dar mawi chu an ri,
Ni tin, kum tinin an vuok;
Sandamna dar chun a nghak che,
Muong lovin tuhin pan rawh;
"Chatuon hringna pan la,
I ngirna hmunah nghak naw;
Tho la, a kona che pan rawh,
I hun tha a bohmang hman.

Sandamna dar lawmum chu,
Ram tin, hmun tinah an ri;
Ngaidamna famkim chu a nei,
Tlantu tuornaa inthawk.
"Chanchin tha thu lawmum,
Mi tin ta din ka hung chawi;
In ta din Sandamtu a pieng,
Lalhai Lal Krista ngei chu."