Ka hringna hi parte angin,
Karlova bo ding a nih;
Zana ei mang, khup a var a,
A bo nawk ang hi a nih.

Aw ka thlarau, vantieng vuong rawh,
Hnuoi hi iengdinga i ngai?
I chatuon in ropui pan la,
Mi thienghlimhai khawpui chu.

Khawvel nun hi iengam a na?
Natna le lungngaina chau;
Hlimna le lawmnahai khawm hi,
Hlobet par ang chau a nih.

Ei ruol dittak fe tahai chu,
Hlim le lawmin an tlung tah;
Lalthungpha hmaah ngirhuolin,
Chatuon Lalpa an inpak.

A ropuina var mawitak chu,
Nisa nekin a var lem;
Chu chatuon hmun ropuia chun,
Ei Lal Isu hmung ei tih.

Ka rawl mawi neisun po povin,
Inpak ka tih ka tlung pha;
Vathu angin inleng thei lang,
Vuong ka tih van rama khin.

Aw ka thlarau vantieng vuong rawh,
Khawvel hi maksan ta la;
I chatuon khawpui mawi pan la,
Khawpui mawi Lalpa ram chu.