Zantieng lung zing lai hin mi umpui la,
Khuo anthimin Lalpa, mi umpui la;
Thlamuongtu, thangpuitu dang an um nawh,
Thangpuitu, aw nangin mi umpui rawh!

Ka damlai ni hi la hungbo a ta,
Khawvel hlimna, ropuina bo a tih;
Ka hmutheihai khawm hi a la bo an ta,
Danglam thei lo, nangin mi umpui rawh!

Lalhai Lal ropui angin hung naw la,
Zaidam le ngilneiin mi hung pawl la;
Ka lungngai mitthli luong hrufai dingin,
Misuolhai Ruolpa, mi hung umpui rawh.

Nangin i mi umpui zing ka nuom a,
I lungsietna'n thlemna a ngam thei a;
Nangma ang hi thuoitu dang ka nei nawh,
Khawtha le innimah mi umpui rawh.

Nang i um chun hmelma chu ti naw ning,
Lungngai mitthli tlakna um ta naw ni;
Thina tur le thlan hnena chu khawlam?
Nangin i mi umpui chun hneng ka tih.

Ka thi tawmin ka kuomah hung um la,
Thim lai hung varin, van mi kawkhmu la;
Van khuo varin, hnuoi hi bohmang a ta,
Damsung, thi chenin mi umpui zing rawh.