Ro hlu a va ni ngei,
Ei Pathien thilthlawn pek chu;
Thlamuongna lampui chu a mi hril;
Hlim le lawmna zing arasi'n,
A sunvar ka lungril inthim chu;
Ka fena phawtah chawi ka ta,
Ruol angin intlawn pei kan tih;
Kei le ka Holy Bible.

Tiem dinga thatak chu Bible a nih,
Ruol dinga tha tak chu Bible a nih.
Nitin a i tiem zing a,
Ruoltha a i nei zing chun;
Lampui kawk hmupei a che,
Ruoltha ringum inkhel lo Bible,
Ka Holy bible Bible.

En rawh Thuthlunghai hi,
A hlui le thar in epin;
Pathien Beramte thu an mi hril;
Zawlnei haiin an hrillawk kha,
A hung chawi chatuon hringna thu chu,
A ziek taphawt hi tiem ka ta,
Khawvel ram tin fang pei ka tih;
Kei le ka Holy Bible.

Lawmthu kan hung hril che,
Immanuel kan Lalpa;
Kan lungrilah sipiem sien la,
Thlarau mit mi sukvar pek sien la;
A tiem taphawtin hrehai sien,
Huoitakin kal pen pei kan tih,
Kei leh ka Holy Bible.

Malsawmna famkim chu a tharin an lang zuol pei,
Varna, thiemna, insangnahai khawm;
Lekhabu dangah a um nawh;
Zawng pei la chatuon hringna thu le-
Krista chanchin mawi ditumhai,
Pathien thu hring thilthawthei chu;
Bible ka Holy Bible.