Tien Thuthlung ropuitak Bible,
Lal Thuthlung ropuitak Bible;
Chatuon hringna thuruk min hriettirtu Bible,
Varna le remhrietna a nih;
Hnam tin, tawng tina ziek nisien,
Khawvel kil tinah indarin, aw inthang suok sien,
(aw inthang suok sien.)


Ei maw phurna ropui, (tak chu)
Bible tawng tina siem; (le suk dar)
A ringtuhai thawding tak chu,
Mi danghai khawm inhriettir le,
Hnamtin tawng tinha'n an hriet theina di'n,
Ei mawphurna ve a nih.


Tiena Bible lo ngainatu,
Mary Jone kha ngaituo ve ta;
In zakna le harsatnahai po ngainepin,
Lawmtak in a va zawng vel a;
A um nawh ti a va hrietin,
Pawi ti a in ngaituoin mitthli a far zawi zawi.
(aw a far zawi zawi.)

Bible tiem le ziekna dingin,
Theitawp insuo ve naw ding maw?
Patron le Life member, Annual, Junior member;
Chantawka thaw ve theina din,
Lalpan lampui a mi ruotpek,
Theitawpa thang ve din i lan ro rawp dimanih.

Mi hausa le mi ropuihai,
Hrilin ei van hriettir thei nawh,
An chengna le run inah hmun ei nei thei nawh;
Sienkawm Bible ei va pek chun,
A ruk bekin tiem ngei an tih,
Chuongchun rawngbawltu le inhriettirtu ning ei tih.