Inpak ei tiu Isu ei tlantu ropui chu
Doh is A♭
AMA INPAK RO
Inpak ei tiu, Isu ei tlantu ropui chu,
Aw hnuoi puong rawh, zaiin a hmangaina;
Inpak zuol ro, Nangni Van angel chunghnunghai,
A hming thienghlim chu inzain um sien,
Berampu angin a nau hai veng a ta,
A ban hratin ni tinin thuoi a tih;
Aw nangni mi thienghlim, Zion tlanga mihai,
Lawmna hla sakin inpakk seng ei tiu!
Inpak ei tiu, Isu ei tlantu ropui chu,
Ei suol leiin thisen suokin a thi;
Ei chatuon beiseina le ei lungpui a nih,
Inpak ei tiu, Isu an hemde chu.
Inpak ei tiu, Isu lungngaina phurtu,
Hmangaina mak le tawplo neitu chu;
Ei ta dingin hmusit le hnawlin um sienkhawm,
Ropuina Lal chawimawiin a tum tah.
Inpak ei tiu, Isu ei tlantu ropui chu,
Van kawtkharhai 'Hosanna' ti'n khek ro;
Ei Sandamtu Isu'n chatuonin ro a rel,
Inkhumtir ro, Zawlnei, Lal, Thiempu chu.
Thina hnena chu hlimin khekpui ei tiu,
Aw thlan, khawlam i hnena a um a?
I lampuiah hlimumna hrim a um ta nawh,
Sandamtu hrat, Isu a hring leiin.
