I hung nawk ding kan sandamtu
Doh is C
I hung nawk ding! kan Sandamtu,
I hung nawk ding, kan Lalpa;
Lei tinrengin puong an ti che,
Hlimna hla sak tang kan tih;
I hung nawk ding! Van sum lai khin,
I hungna hmun ngei a khan;
Lawmna ropui chu chang kan tih,
I hmangaina thilthlawnpek.
I hung nawk ding! I hung nawk ding,
Nang chu tuok ngei kan ti che,
I hung nawk ding! I hmel ngei chu,
Chu ni chun hmu tang kan tih;
I hung nawk ding! I hung nawk ding,
Isu kan Lal ditum tak,
I ropuinaa inthuomin,
Lawm takin hmung kan ti che.
I hung nawk ding! Thim um naw nih,
Sum zing, mitthli um naw ni;
Lungngai le suolna um naw ni,
Chu zing var le ropuiah;
I hung nawk ding! Tlantu Isu,
Ngaituo tlak dang um naw ni;
I tuorna man ropuina le,
Malsawmna chu a mak ngei!
I hung nawk ding! Kan nghak zing che,
Beiseina thlawn lo dingin;
Nihai, hunhai, indawn lovin,
Beidawng lovin kan thlir che;
I hung nawk ding! Thungpha hmaah,
A tantu che ning kan tih;
Ditsakna hmun a chun lutin;
Lawmna ropui chang kan tih.
