Thlalera invai ka lo nih
Doh is B♭
Thlalera invai ka lo nih,
Vawi le chang inhmangin;
"Ka Pa in a hung hnai a nih,"
Tiin ka beisei hlak.
Ka hmaa van hla rimawi chu,
Hre phakin ka ngai hlak;
Kawng tin, iengkimah an suok si,
Buoi le pik an hne zo.
Thlarau thienghlim, lam mi hril la,
Sum le meiin um la;
Pen khat khawm fe dik thei naw ning,
Ka hma i thuoi naw chun.
A changin changtieng ka pet a,
A changin vawitieng khawm;
Chuongchun, fe peiin mi thuoi la,
Paradis ram chenin.
Chu chun ka lung a len ngei aw!
Tiemsengnaw umna khin;
Kalvari thina inpakhai,
Pawl ka va nuom ngei aw!
