Ni ropui chu a var pha chun
Doh is C
INKHAWMNA ROPUI
Ni ropui chu a var pha chun,
Sandamtu hmel hmung ei ta;
A ropuina mawina chu hmu tang ei tih,
Hnam tin, chitin, tawng tin a mi;
Tlansahai kokhawm a ta,
Intuokkhawmna ropui chu um tang a tih.
Inkhawm ei tih, inkhawm ei tih,
Hmangaina ram khawpui mawi!
Tlansahai inkhawmna a chun,
Inkhawm ei tih, inkhawm ei tih!
Chu hlima, in tlansahai lengna a chun.
Krista ringa thi tahai chu,
A ko pha chun tho an ta;
Tuisuoriet le thlan re taka inthawkin,
Van taksa ropuina changin;
Van sum chungah tuok an ta,
Hlima tuokkhawmna chu um tang a tih.
Chu khawpui mawi vartaka chu,
Hlim le lawma ka leng pha;
A vadung mawi luong dieldiel chu hmung ka ta,
Ruol tha lo the tahai le khan,
Hlimin intuokkhawm kan ta,
Lawma intuokkhawmna chu um tang a tih.
Lalpa chu hung nawk ngei a tih,
A ni tiem chu a hnai tah;
A malsawmna ni lawmum chu hmung ei tah,
Karlova danglama umin;
Ama chu hmu tang ei ta,
Chatuonin a kuomah um zing tang ei tih.
