Pathien angsung inhawi a chun
Doh is B♭
Pathien angsun inhawi a chun,
Thina nauhai chawl an tih;
Hremhmun mei chu tuor ta lovin,
Chatuonin chawl tang an tih.
Inpakna hla, (2)
Chatuonin tawp ta naw ni. (3)
Suola inhmang an tlan suok tah,
Sandamtu Lalpa Isu'n;
Chatuonin inhawi an tlung pha,
Ama inpak tang an tih.
Thil rimawi hai, (2)
Vana chun tawp ta naw ni. (3)
Mihriem i ngaituo phak ngai naw,
Mit hmu naw, na hriet ngai naw,
Lalpa hmangaihai ta dinga
A siem ram chu chang an tih.
Nunkhaw nuomna, (2)
Chatuonin zuol pei an tih. (3)
Pathien hmaa puon var silin,
Sun le zanin hlim an tih;
Phingtam, dangchar tuor ta lovin,
Hlima lawmin leng an tih.
Rinumnahai, (2)
Chatuonin tuor naw ni hai. (3)
