Tlang thla vaium tak chu ram hla takah a um
Doh is E♭
Tlang thlavaium tak chu ram hal takah a um,
Tuipui lien ral ram inhawi takah;
Chu tlang a chun Isu thidingin a fe suok,
Nang le Kei le Khawvel ding a nih.
A tuorzie ka ngaituo'n,
Ka mitthli a tla hlak,
Chu tlang chu ka thlir ienglaikhawmin;
A sira chun Isu'n a tuorin a thi a,
Kei ang a misuol sandamna di'n.
Khawvel suol rikphurin a chau ka Sandamtu,
Hlinglukhum an siem chu a hum a;
Kros rik tak chu putin mi puiin an sawm a,
Kei ang a misuol sandam na di'n.
Ngai ro, kilna ri chu ka lungrilah a cham,
Ka Sandamtu thingah a hemde;
Kraws chu a hang phuna, ennuomin an siem,
Kalvari tlanga chun an khaikang.
Ama an nuisana, a hrangchat tawm lai khan,
A rawihai lungngaiin an tap a;
Lungngaia chau lai khawm sel lovin a tuor a,
Kalvari tlanga chun a thi tah.
Simkhawlei inhningin, lungpuihai khawm an kawi,
Lungngai thlaphang rawlri hung suok chu;
Sandamtu rawl a nih, thina rapthlak a tuor,
Nang le kei sandamna ding a nih.
Nisan a hmel thup sien, leihnuoi khawm inzuol sien,
An Sandamtu hemdehai chungah;
Ngai ta, thlan a'nthawkin Pathien Beramte chu,
That ta hnung kha a hung thonawk tah.
