Isu hmangaina inthukzie
Doh is B♭
ISU HMANGAINA MAK CHU
Isu hmangaina inthukzie,
Hril khi ding hrim a um nawh;
Tuipui lien insawk vel angin,
Ka ta dingin a luong suok,
Ka chung, ka hnuoi, ka umna hi,
Hmangaina'n a min huol vel;
Ka ban chelin a mi thuoi pei,
Ka chawlna ding chu panin.
Isu hmangaina inthukzie,
A thatnan hnuoi huol vel sien;
A hmangaina inthukzie chu,
Chatuonin dang lam naw nih,
Hmangaia mi huolhim dingin,
Misuol ta dingin a thi;
Thangvan Lalthung phah chunga chun,
Mi hnipek dingin a thung.
Isu hmangaina inthukzie,
Hmangaina chunghnung tak chu;
Thangvan chawlna hmin inhawiah,
Lawma ei lengna dingin,
Aw Isu hmangaina inthuk,
Vanram ropui maksanin;
Chatuona nunnuomna dingin,
Mi thuoi a tih van chenin.
