Zan khaw inthieng re lai tak a chun
Doh is G
Zan khaw inthieng re lai tak a chun,
Bethlehema berampuhai kuomah;
Serafimhan hla mawi an hung rem,
Vawisun hin sandamtu a pieng ti'n.
Chunghnungtakah ropui raw se,
Hnuoi chungah rem thu in leng sien;
A hming, Maka, Remruottu,
Lalpa A ramin tawpin tai nei naw nih.
Tuisuoriet le ruomhai le tlang hai,
Khawvel le a sunga um po pohai;
Lal thar pieng hi mi hung lawmpui ro,
Chunghungtakah ropui raw se' ti'n.
Lalthar pieng lawma inpakna ri'n,
Sak le thlang, sim le hmar thangkhawk raw se;
Hnuoi le van hlim le lawmin zai sien,
Ram po pohai hlimin khek raw se.
Aw eini khawm Lalthar pieng lawm in,
Lungril robawm hawng a chibai bukin;
Lawmna hla rimawi rem veng ei tiu,
Van le khawvel Laltak a ni si!
