Hlim le lawmin chawimawi ei tiu
Doh is G
Hlim le lawmin chawimawi ei tiu, ei Remna Lal hung pieng chu;
A lalthungphaa mi thienghlim, Lalukhum hung mak sanin;
Eini suola invaihai, sandamna lam a mi hung hril,
Inpakro, chitin tawng tinhai, Lal chawimawiin zairem ro.
An pakna chu tawp naw ni.
Khawvel tawp hung chen khawmin;
Ni tin kum tin an phakna zuol pei a tih, chatuon chenin,
Hnuoi leh van boo hung khawmin,
Angelhai leh inpak ei tih.
Bawng in sunga ranthleng chungah, tlawm tak in hung zal sien khawm;
Ama milien a nih, a ramin kin ni nei naw ni a;
Sak, thlang, sim le hmara mi, thina thim hnuoi a in thunghai,
Ama inphakin, ni tin, thla tin, kum tin pung pei an tih.
Eden huonah Setanin ei lallukhum a mi lak pek;
Ei Lalpa Isu'n hnein tuhin a mi hung pek nawk tah;
Chuleiin, nunghak, tlangval, naupang, pitar, putar mi tin,
Lalhai Laltak inpakin tuipui fawn angin zai rem ro.
Hnuoia mipui tiemsengnaw le, van Angel tiemsengnawha'n;
Aw Lalpa hmangaina inthukzie, lienzie, seizie, sangzie;
Nau neisun khawm hla lova kan ta dinga i hung tir chu,
Kan rawl neisun le kan theitawpin tuhin kan inpak che.
