Leilung mawina i siamin
Doh is A
Leilung mawina i siamin,
Leh thangvân sâng timawiin,
Hmangaihna min hualveltu
Leh kan chunga min vengtu,
Kan fak a che, aw Lalpa,
Lâwm hla i hnenah kan sa.
Ni tin mawina i siamin,
Chhun leh zân i tihmawiin,
Tlâng te, thing te, pangpâr n>n,
Ni te, thla te, arsi nen;
Kan fak a che, aw Lalpa,
Lâwm hla i hnenah kan sa.
Thil mawi hmuh tur i siamin,
Kan thinlung a tilâwm thîn;
Thu tha hriat tur i sawiin,
Kan rilru a tihlim thîn;
Kan fak a che, aw Lalpa,
Lâwm hla i hnenah kan sa.
Chhungkaw lainatna siamin,
Nu leh pa, unaute nen;
Lei leh vânah thiante nen,
Zaidam leh nunnemna nen;
Kan fak a che, aw Lalpa,
Lâwm hla i hnenah kan sa.
Thilpek famkim i siamte,
Kan hnam a thlâwnin i pe;
Khawngaihna min hualveltu,
Lei leh vân thil timawitu,
Kan fak a che, aw Lalpa,
Lâwm hla i hnenah kan sa.
