Ngaiin ka thlir hun leh kum hlui mual liamte chu
Doh is F
Ngaiin ka thlir hun leh kum hlui mual liamte chu,
Kum thar lawmna kan nghah hmun khawharah;
Lalpa, min hnem ang che, lusun lenrual ngaite,
Leiah lawmna a kim dawn lo, i ram kan thlen hma chuan.
Aw, hun danglam tawh lohna Imanuela ram khawpui,
Ka ngai mang e, Zion ka hrai laitual lenna;
Chhung tin tana lawmna a kim tawh ang,
Hruai khawmtu Lalpa hmaah.
Khawvelah hian hnam ze tinreng tapin kan rum,
Kan hun tha leh lawmna mual an liam ta;
Hun thar lo thleng tur chuan lawmna min rawn siam la,
Tah lai banga Lalpa fakin ka awi ang Zion ram.
Hun hlui, kan lawmnate ngaiin tapin kan au,
Kir zai an rel si lo, he khawvelan;
Kei pawh hun kal zelin min hruai thleng ang pialral,
Tah chuan kan inhmu ang hlimin, lungduh kan thente nen.
Tunah hun tharah kan ding ta, lawmin kan zai,
Ka tahna lo bang se, aw ka Lalpa;
I hming ropui, hnam tlawmte tiropuitu chu,
Ka thinlungah lo par chhuak se, hun hlui kan nghilh tawh ang.
