MizoLyrics.Com Mizo Lyrics - Hmangaih vangin min tlana nunna min pe ta ka duhsam

Hmangaih vangin min tlana nunna min pe ta
Phuahtu: Dr. Ramdinthara Sailo
Doh is E♭

KA DUHSAM

Hmangaih vangin min tlan a, nunna min pe ta,

Ka sual zawngte ngaidamin i faah min pawmin;

Hmangaih banin kuah a, i awm nghengin ka muang,

Van malsawmnain min vur a.

Ka duhsam nang hmangaih zel hi,

(Ka duhsam ber chu aw ka Lalpa)

Ka thih ni thleng pawhin;

Hrehawm leh thlemna karah,

(Hrehawmah pawh lawm taka zaiin)

Kawng tluanin i hnung ka zui nang e.

Ka rul zo seng chuang lo ve, min hmangaihna chu,

Ka neih zawng leh nunna pawh i hnena mi a ni;

Khawvel zawng pawh nei ila, i tan a tling lo ve,

Engkim hi i ta reng a ni.

Ka neih chhun nunna pakhat he khawvelah hian,

Dam reina ka dil lo ve nawmsakna zawngte pawh;

Lalpa hei erawh ka dil i tana nun zel hi,

Chu chauh chu ka tan a tawk e.

:

Dr. Ramdinthara Sailo Hlate

Mizo Lyrics Available at