Ka rinhlelhna Isua hnenah
Lettu: Rev. J.H. Lorrain
Doh is F
Ka rinhlelhna Isua hnenah,
Ka pe zo tawh a ni e;
Mualphovin ka awm lo vang a,
A thu ka rin avangin.
Kei ka ring e, kei ka ring e,
A thu ring nghetin ka awm;
Kei ka ring e, kei ka ring e,
A thu ring nghetin ka awm.
Ka sual zawng zawng Isua chungah,
Ka bel zo tawh a ni e;
Amahin a kalpui vek ta,
Thianghlimin ka awm tawh ang.
Ka hlauh zawng zawng Isua hnenah,
Ka thlen zo tawh a ni e;
Thim zingah awm mah ilangin,
Ama eng ka nei fo vang.
Ka duh zawng zawng Isua hnenah,
Ka pe zo tawh a ni e;
Khawvel zawng zawng Hotu neiin,
Eng dang nge ka duh tawh ang.
Ka neih zawng zawng Isua hnenah,
Ka pe zo tawh a ni e;
Ka taksa leh thlarau pawh hi,
Amahin a vawng tlat ang.
