Zankim siang laitakin hong ging
Doh is B♭
Jankim siang laitakin hong ging,
Tua tanglai la thupi;
Angelte a hong kumsuk ua,
La sa uh kaihging toh;
Van Kumpipa’n mihingte ding’,
Lemna deihsakna pia;
Khuavannuai in dai khipkhepin,
Angelte’ la ngai hi.
Van kihong ah hongpai lai uh,
Muanna kha hong jak-in;
A la ngaih uh hong ging lailai,
Leitung tawlna gam ah;
Dahna leh lungkhamna mun ah,
A hong leng diaidiai ua;
Leitung pautuam buaina tung ah,
Angelte’n la hongsa.
Aw nou, leia hin chimtakte,
Tawl leh bah-a omte;
Aw nou, semgim leh puakgik pua,
Lam suk leh tou a vai;
En un, tu’n lungdam hun hongtung,
Khajak-in hongleng hi,
Aw, khawl tadih unla, ngai un,
Angelte’n la sa hi.
Nite kumte pai mengmeng a,
Zawlnei genkholh naisak;
Nite kumte pai mengmeng a,
Tangtawn mun hontun ding;
Muanna, khuavannuai luahsuak a,
Thupina honpuak chiang’;
Tua chiangin thilsiam zousiah in,
Tua Angel’ la sa ding.
