Van inn paina lam khros
Doh is A♭
Van inn paina lam khros ka tawn ngei ding hi,
Lampi dang omlou hial hi;
Kongpi vak ka mu thei ngeilou hial ding,
Khros tawn a paina ka haih leh.
Sakkik
Van inn lampi khros ahi,
Van inn lampi khros ahi;
Ka pai kawma tua theih nuam ka sa hi,
Van inn lampi khros ahi.
Khros phung ah ka puakgik khempeuh tukmang hi,
Ka Toupa ka et laiin;
Lungsung nopna tawh tua lampi ka tawn,
Ka lungsung phatna tawh kidim.
Sisana luan lampi ka jui tawntung ding,
Ka Hondampa’n tuamah tawn;
Nunnopna mun sang ka tun theih aleh,
Pathian kiang ka kha nunnuam ding.
Tu’n khawvel lampi ken ka nusiata hi,
Tua lampi jui nawn lou ding;
Toupa’n, Hongpai in, honchi inn ka juan,
Aman honngak kong honsa ah.
Ka Toupa’ khros lampi ka juihtak chiangin,
Ama’n honpii lungdam ing;
Nisim vantung ka naih semsem chiangin,
Pai masate’ husa ka ja.
